اوچھے ہتھکنڈے
بھارت نے مغربی طاقتوں کی طرف سے اسے فراہم کردہ status کا غلط استعمال کیا اور خود کو غیر ملکی سرزمین پر قتل کی کارروائیوں اور دوسری ریاستوں کو بدنام کرنے کے لیے پروپیگنڈہ مہموں میں مصروف رہا۔ گزشتہ ستمبر سے غیر ملکی سرزمین پر ہندوستان کی جانب سے قتل کی دو کارروائیوں کا انکشاف ہوا ہے، ایک کینیڈا میں اور دوسری امریکہ میں۔ دونوں ممالک کے بھارت کے ساتھ اسٹریٹجک اور دوستانہ تعلقات ہیں۔ کینیڈا اور امریکہ میں دو سکھ رہنماؤں کے قتل کے بھارتی انکشاف نے ایک ذمہ دار ریاست کے طور پر بھارت کی ساکھ پر سوالیہ نشان لگا دیا ہے۔ یہ سراسر اعتماد کی خلاف ورزی ہے اور عالمی معاملات میں ایک انتہائی غلط روایت کی ابتداء۔ بھارت ستمبر، 2023 میں ، کینیڈا میں سکھ رہنما، ہردیپ سنگھ نجار کو قتل کرنے میں کامیاب ہوا لیکن امریکی حکام نے گروپتون سنگھ پنون کو قتل کرنے کی سازش کو بے نقاب کر دیا۔ کینیڈین وزیر اعظم نے کھلے عام بھارت پر الزام لگایا اور بھارت کے ساتھ اپنے سفارتی تعلقات ختم کر دیے۔ امریکہ نے سرکاری طور پر ہندوستان پر امریکی سرزمین پر ایک امریکی شہری کو قتل کرنے کی منصوبہ بندی کے الزام میں چارج شیٹ بھی کر دی ہے۔
بھارت دو متوازی پروپیگنڈہ مہم چلا رہا ہے، پہلی غلط معلومات کے ذریعے دوسری ریاستوں بالخصوص پاکستان کو بدنام کرنے کے لیے اور دوسری مہم امریکی حکام اور ماہرین تعلیم کو بدنام کرنے کے لیے جو مودی کی حکومت پر تنقید کرتے ہیں۔ دوسری ریاستوں کے خلاف ہندوستانی جعلی خبروں اور پروپیگنڈے کی چالوں کو EU DisinfoLab نے 2019 میں بے نقاب کیا تھا اور دوسری بار ، چند روز پہلے، واشنگٹن پوسٹ نے اپنے 10 دسمبر 2023 کے ایڈیشن میں بے نقاب کیا ہے۔
واشنگٹن پوسٹ نے اپنی 10 دسمبر 2023 کی کہانی میں ایک چونکا دینے والے انکشاف میں کہا ہے کہ “خفیہ ہندوستانی آپریشن امریکہ میں مودی کے ناقدین کو بدنام کرنے کی کوشش کرتا ہے-
’Disinfo Lab’ امریکی اھلکار، اہم شخصیات، محققین، انسانی حقوق کے لیے کام کرنے والے گروپوں اور ہندوستانی امریکی حقوق کے کارکنوں کو جو کہ مودی پر تنقید کرتے ہیں ان بدنام کرنے میں مصروف ہے –