پاک فوج کو سلام

تحریر:ایشم سلیم

فوج ہی کسی ملک یا سلطنت کا وہ اہم وجود ہوتی ہے جو جس قدر مضبوط ہو‘ ملک و ملت اتنی ہی محفوظ اور سربلند ہوگی۔پاکستان کی آئی ایس آئی دنیا کی مانی ہوئی خفیہ ایجنسی اور پاکستان کی فوج کا شمار دنیا کی بہترین افواج میں ہوتا ہے اور یہ بات امریکہ سمیت دنیا کا ہر ملک تسلیم کر چکا ہے۔ پاکستان آرمی نے جس طرح وطن کے لئے اپنی جانوں کے نذرانے دے کر دہشت گردوں کا خاتمہ اور ان کے ٹھکانوں کو تباہ کیا‘ پوری قوم کو اس پر فخر و ناز ہے۔ دراصل فوج اور قوم ریل کی اس پٹڑی کی مانند ہیں جو ساتھ ساتھ چلتی ہے۔ کوئی بھی جنگ ہو‘ نظریاتی یا جغرافیائی قوم اور فوج مل کر لڑتی ہے۔ سانحہ مشرقی پاکستان کی مثال ہم سب کے سامنے ہے۔ عالمی طاقتوں اور ہمارے چند ہمسائیوں کو پاکستان کا ایٹمی قوت بننا بھی ایک آنکھ نہیں بھاےا اور وہ ہر لمحے پاکستان کے خلاف سازشوں میں مصروف ہیں ۔ اللہ تعالیٰ کے بعد ہمارا اگر کوئی محافظ و نگہبان ہے تو وہ ہماری پاک افواج ہی ہے ۔ پاک فوج مضبوط تو ہم مضبوط‘ ہمارا وطن مضبوط‘ ہمارا مستقبل مضبوط‘ ہماری اولادوں کا مستقبل مضبوط۔ آئیں عہد کریں کہ ہمیں پاک افواج کے شانہ بشانہ چلنا ہے۔ اس لئے کہ اسی میں ہماری فلاح اور اسی میں ہماری بھلائی و نجات ہے ۔ پاک افواج کے جوانوں نے 6 ستمبر ہو یا دوسرے مواقع‘ نہ صرف وطن عزیز کا دفاع کیا بلکہ دشمن کو عبرتناک شکست سے بھی دوچار کیا۔ پاکستان کی آرمی کا شمار آج دنیا کی بہترین افواج میں ہوتا ہے۔ اور اس کے جوانوں نے وہ کارہائے نماےاں انجام دئےے جن کی مثال ملنا مشکل ہے۔