دنیا کی خوبصورت ترین اوبر ڈرائیور

راولپنڈی (نیوز ڈیسک )دنیا کی خوبصورت ترین ’اوبر‘ ڈرائیور کا کہنا ہے کہ جب وہ رائیڈ بک ہونے پر مسافروں کے پاس جاتی ہے تو وہ اسے دیکھ کر حیرت میں مبتلا ہو جاتے ہیں۔ ڈیلی سٹار کے مطابق اس خوبرو لڑکی کا نام نانیٹ ہیمونڈ لوشیاﺅ ہے، جس نے ایک امیر شخص کے ساتھ شادی کر رکھی تھی اور ایک لگژری زندگی گزار رہی تھی تاہم طلاق ہونے کے بعد وہ بے آسرا ہو کر رہ گئی اور اب اس نے اوبر چلانی شروع کر دی ہے۔امریکی ریاست اوہائیو کے شہر سنسناٹی کی رہائشی لوشیاﺅ پلے بوائے کے لیے ماڈلنگ بھی کر چکی ہے۔ اپنے شوہر کے پاس رہتے ہوئے اس نے ساڑھے 3لاکھ پاﺅنڈ کی خطیر رقم پلاسٹک سرجری پر خرچ کرکے اپنا سراپا باربی ڈول جیسا بنوا لیا تھا اور اب لوگ اسے جیتی جاگتی باربی ڈول کہتے ہیں۔اتنی رقم اپنے حسن میں اضافے پر خرچ کرنے والی لوشیاﺅ جب طلاق کا مقدمہ لڑ کر عدالت سے فارغ ہوئی تو وہ کنگال ہو چکی تھی۔لوشیاﺅ کو اوبر ٹیکسی چلاتے دو ہفتے گزر چکے ہیں اور اس کا کہنا ہے کہ مسافر اسے دیکھ کر چونک اٹھتے ہیں اور حیران ہوتے ہیں۔ لوشیاﺅ کہتی ہے کہ ”مسافر مجھے دیکھ کر کہتے ہیں کہ انہوں نے آج تک اتنی خوبصورت اوبر ڈرائیور نہیں دیکھی۔ واضح رہے کہ لوشیاﺅ ماضی میں ماڈلنگ کے پیشے سے بھی وابستہ رہی ہے اور سوشل میڈیا پر بھی کافی مقبولیت رکھتی ہے۔