عمران خان کے الزامات پر پاک فوج کا شدید ردعمل

راولپنڈی (نیوز ڈیسک )آئی ایس پی آر کا چیئرمین پی ٹی آئی عمران خان کے حاضر سروس سینئر فوجی افسر پر الزامات پر شدید ردعمل، قانونی چارہ جوئی کا عندیہ، سینئر فوجی افسر پر الزامات من گھڑت، بدنیتی پر مبنی افسوسناک، قابل مذمت اور ناقابل قبول ہیں۔

آئی ایس پی آر کے ترجمان کے مطابق چیئرمین پی ٹی آئی عمران شان نے بغیر کسی ثبوت کے ایک حاضر سروس سینئر فوجی افسر پر انتہائی غیر ذمہ دارانہ اور بے بنیاد الزامات عائد کئے ہیں، یہ من گھڑت اور بدنیتی پر مبنی الزامات انتہائی افسوسناک، قابل مذمت اور ناقابل قبول ہیں، ترجمان کے مطابق گذشتہ ایک سال سے یہ ایک سلسلہ بن چکا ہے، جس میں فوجی اور انٹیلی جنس ایجنسیوں کے اہلکاروں کو سیاسی مقاصد کے حصول کے لئے اشتعال انگیزی اور سنسنی خیز پروپیگنڈے کے ذریعے نشانہ بنایا جاتا ہے، ترجمان نے مطالبہ کیا کہ مذکورہ سیاسی رہنما قانونی راستہ اختیار کریں اور جھوٹے الزامات لگانا بند کریں، بصورت دیگر ادارہ جھوٹے، بے بنیاد بیانات اور پروپیگنڈے کے خلاف قانونی کارروائی کرنے کا حق محفوظ رکھتا ہے۔

ISPR

ImranKhan

PakArmy

You might be interested in