ملک بھر میں شب معراج مذہبی عقیدت و احترام کے ساتھ منائی گئی

ملک بھر میں شب معراج مذہبی عقیدت و احترام کے ساتھ منائی گئی۔ مساجد اور گھروں میں خصوصی عبادات اور دعائیہ تقریبات کا اہتمام کیا گیا۔ہر سال کی طرح اس سال بھی فرزندان اسلام نے مذہبی جوش و جذبے اور عقیدت کے ساتھ شب معراج منائی۔ مساجد میں نوافل کی ادائیگی کیلیے خصوصی اجتماعات جبکہ درود و سلام کی محافل کا انعقاد کیا گیا۔ اس موقع پر سکیورٹی کے انتظامات انتہائی سخت کیےگئے جبکہ مساجد میں چراغاں کا اہتمام بھی کیا گیا۔مسلمانوں نے اللہ تعالیٰ کے حضور پاکستان کی سلامتی، خوشحالی اور ترقی کی دعائیں بھی کیں۔ ماہ رجب کی 27 ویں شب پیغمبر اسلام حضرت محمد صلی اللہ علیہ و آلہ وسلم کو معراج کا شرف عطا کیا گیا، آپ ﷺ کو آسمانوں میں اللہ تعالیٰ سے ملاقات کرانے کے لئے لے جایا گیا، وہاں رسول اکرمﷺ کو جنت اور دوزخ بھی دکھائی گئی۔ امت مسلمہ کے لیے معراج النبیﷺ کا سب سے بڑا تحفہ نماز ہے۔

You might be interested in