آن لائن ٹیکسی سروس کے درجنوں ملازمین نوکریوں سے نکال دیا

امریکی آن لائن ٹیکسی سروس لفٹ نے بڑھتی ہوئی مہنگائی کے باعث ہونے والے خراب معاشی حالات کی وجہ سے اپنے 683ملازمین کو ملازمت سے نکال دیا۔

اس حوالے سے ترجمان لفٹ سروس نے میڈیا کو بتایا کہ وہ روز بروز کمزور ہوتی معیشت سے نمٹنے کے لیے اپنی افرادی قوت کا 13 فیصد یعنی تقریباً 683 ملازمین کو نوکری سے فارغ کردے گی۔

ترجمان کا کہنا ہے کہ گزشتہ کچھ عرصے سے صارفین بڑھتی ہوئی مہنگائی کے باعث اپنے اخراجات میں نمایاں کمی لارہے ہیں اور کاروباری کمپنیاں اپنے منافع کو محفوظ اور برقرار رکھنے کیلئے اپنی افرادی قوت بھی محدود کررہی ہیں۔

غیر ملکی خبر رساں ادارے کی رپورٹ کے مطابق لفٹ سروس کے حالیہ اقدام کے نتیجے میں مالی سال کی چوتھی سہ ماہی میں 27 سے 32 ملین ڈالر کے درمیان منافع کی توقع ہے اور کمپنی آئندہ سال کے آغاز میں ملازمت میں کٹوتیوں کے باوجود اپنا ہدف پورا کرلے گی۔