دہی جلد کو رکھے جوان اور تروتازہ
![](https://khabrainortajziyay.com/wp-content/uploads/2023/05/images-72.jpeg)
راولپنڈی (نیوز ڈیسک )دہی پروٹین ، کیلشیم ، وٹافور اور بائیوٹکس سے بھرپور غذا ہے . اسے ایک صحت بخش غذا کے طورپر استعمال کیا جاتا ہے جس سے جسم کو بے پناہ فوائد حاصل ہوتے ہیں . جسم کے دیگر اعضاءکے ساتھ ساتھ یہ جلد کےلیے بھی بے حد مفید ہے. دہی میں لیکٹک ایسڈ موجود ہوتا ہے جو جلدکو جوان اور تروتازہ رکھتا ہے . اس سے جلد نرم وملائم ہو جاتی ہے . دہی سے کیل مہاسے بھی ختم ہوتے ہیں اور رنگت صاف ہوتی ہے . جلد پر دہی کو باقاعدہ استعمال کرنے سے جلد چمک دار ہوجاتی ہے اور چھائیاں دور ہو جاتی ہیں . اسکن وائٹننگ کے طور پر دہی کو استعمال کرنے کے لیے ایک سے دو چھوٹے چمچ دہی میں چند قطرے لیموں کا رس شامل کردیں . لیموں کے رس میں موجود سٹرک ایسڈ جلد کی رعنائی مہیا کرے گا . جلد کو نرم وملائم بنانے کے لیے چار بڑے چمچ دہی میں ایک چھوٹا چمچ کوکو پاؤڈر اور ایک چھوٹا چمچ شہد شامل کریں . اب اس ماسک کو بیس منٹ کے لیے چہرے پر لگائیں پھر ہلکے گرم پانی سے چہرہ دھو لیں . اسکے علاوہ دہی میں مسورکی دال کا پاؤڈر اور نارنجی کے چھلکوں کا مکسچر ہم وزن شامل کر کے لگایا جاسکتا ہے . اسے پندرہ منٹ کے لیے لگا رہنے دیں . اگر آپ کی جلد خشک ہے تو شہد بھی شامل کر لیں . جلد نرم و ملائم ہونے کے ساتھ ساتھ چمک دار بھی ہو جائے گی . دہی سے ایک زبردست اسکرب تیار کیا جا سکتا ہے . دہی میں موجود اسکربنگ خصوصیات کی وجہ سے اسکا مساج کرنے سے اسکے مردہ خلیات صاف ہوجاتے ہیں . دہی میں چاول کا پاؤڈر ملا کر گاڑھا سا پیسٹ بنالیں . اس سے چہرے پر گولائی میں مساج کریں . تھوڑی دیر بعد ٹھنڈے پانی سے دھو لیں ۔چاول کی جگہ جو کا آٹا بھی شامل کیا جا سکتا ہے۔