ملک کے بیشتر میدانی علاقوں میں آئندہ 3 روز گرمی کی شدت میں اضافے کا امکان
راولپنڈی (نیوز ڈیسک )ملک کے بیشتر میدانی علاقوں میں اگلے دو سے تین روز کے دوران درجہ حرارت معمول سے 2 سے 4 ڈگری سینٹی گریڈ زیادہ رہنے کا امکان ہے۔محکمہ موسمیات کے مطابق گزشتہ روز کراچی میں37، اسلام آباد 36، مظفر آباد 35، کوئٹہ 33 اور گلگت میں 31 ڈگری سینٹی گریڈ ریکارڈ کیا گیا۔گزشتہ روز ملک میں سب سے زیا دہ درجہ حرارت موہنجو داڑو میں 45 ڈگری سینٹی گریڈ ریکارڈ کیا گیا۔ضلع مٹیاری میں درجہ حرارت 43 ڈگری سینٹی گریڈ پر پہنچ گیا جس کے باعث گرمی کی شدت میں اضافہ رہا۔شہری گرمی سے بچنے کے لیے ٹھنڈے میٹھے مشروبات کا استعمال کر رہے ہیں۔دادو، جیکب آباد، سکھر، روہڑی اور سکرنڈ میں 44، نوابشاہ، سبی میں 43، بہاولپور، ڈیرہ اسماعیل خان میں 40، لاہور، پشاور، سرگودھا، اٹک اور ساہیوال میں 38 سینٹی گریڈ ریکارڈ کیا گیا۔
Visited 1 times, 1 visit(s) today