پاکستان کو آخری ون ڈے میچ میں نیوزی لینڈ کے ہاتھوں شکست
![](https://khabrainortajziyay.com/wp-content/uploads/2023/05/images-22.jpeg)
راولپنڈی (نیوز ڈیسک )نیوزی لینڈ نے پاکستان کو پانچویں ایک روزہ میچ میں 49 رنز سے شکست دیدی۔تفصیلات کے مطابق پانچویں اور آخری ون ڈے میچ میں نیوزی لینڈنے پاکستان کو جیت کیلئے 300 رنز کا ہدف دیا لیکن پاکستان کی پوری ٹیم 252 رنز پر آئوٹ ہوگئی ۔کراچی میں کھیلے جارہے آخری ون ڈے میچ میں نیوزی لینڈ کے کپتان ٹام لیتھم نے ٹاس جیتا اور بابر اعظم کو بولنگ کی دعوت دی۔پاکستان کی نپی تلی بائولنگ کے سامنے نیوزی لینڈ کی پوری ٹیم 50 ویں اوور میں 299 رنز پر آؤٹ ہوگئی۔نیوزی لینڈ کی جانب سے ول ینگ نے 87 رن کی شاندار اننگز کھیلی۔کیویز کپتان ٹام لیتھم 59 اور چیپمین 43 رن کی اننگز کھیل پائے۔پاکستان کی جانب سے شاہین آفریدی نے 3 وکٹیں حاصل کیں،شاداب خان، حارث رؤف اور اسامہ میر کے حصے میں 2،2 وکٹیں آئیں ۔جواب میں پاکستان کی پوری ٹیم 46.1 اوورز میں 252 رنز پر ہی ڈھیر ہوگئی ، پاکستان کی جانب سے افتخار احمد نے مزاحمت کی لیکن دوسرے اینڈ پر کوئی بیٹر ان کا ساتھ نہ دے سکا۔افتخار احمد 94 رنز بنا کر ناٹ آئوٹ رہے۔آغا سلمان نے 57 رنز کی اننگز کھیلی۔رچن رویندرا اورہینری شپلی نے 3،3وکٹیں حاصل کیں،ایڈم مِلن، میٹ ہینری اور اِش سوڈھی کے حصے میں ایک ایک وکٹ آئی ۔پاکستا ن نے 5میچز کی ون ڈے سیریز 1-4سے جیت لی۔پاکستان12سال بعد نیوزی لینڈ کیخلاف ون ڈے سیریز جیتنے میں کامیاب ہوا ہے ۔آج کی شکست کے بعد پاکستان آئی سی سی ون ڈے رینکنگ میں تیسرے نمبر پر چلا گیا ہے۔