50 کروڑ واٹس ایپ صارفین کا ڈیٹا لیک ہوگیا

دنیا بھر میں موجود 50 کروڑ واٹس ایپ صارفین کا ڈیٹا لیک ہوگیا جسے ایک ہیکنگ فورم پر فروخت کے لیے پیش کر دیا گیا ہے۔آن لائن تحقیقی جریدے سائبر نیوز کی رپورٹ کے مطابق فروخت کے لیے پیش کردہ ڈیٹا 84 ممالک میں موجود واٹس ایپ صارفین کا ہے جس میں ان کی ذاتی معلومات شامل ہیں۔واٹس ایپ ترجمان نے ان دعووں کی تردید کرتے ہوئے کہا کہ سائبر نیوز نے غیر تصدیق شدہ اسکرین شاٹس سے یہ اخذ کیا کہ ڈیٹا لیک ہوگیا لیکن اس بات کا کوئی ثبوت نہیں ہے۔ہیکنگ فورم پر فروخت کے لیے ڈیٹا اپلوڈ کرنے والے شخص نے دعویٰ کیا ہے کہ صرف امریکا کے تین کروڑ 20 لاکھ صارفین کا ڈیٹا موجود ہے۔